Ստուգումների տարեկան ծրագրեր

18/05/2017

Վահան Մարտիրոսյանը Մոսկվայում մասնակցել է ԵԱՏՄ թվային օրակարգի քննարկումններին

ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը, միջազգային տնտեսական ինտեգրման և բարեփոխումների նախարար Վաչե Գաբրիելյանը և տնտեսական զարգացման և ներդրումների նախարարի տեղակալ Էմիլ Տարասյանը մայիսի 17-ին Մոսկվայում մասնակցել են Եվրասիական տնտեսական միության` մինչև 2025թ. թվային օրակարգի մշակման աշխատանքներին:

ԵԱՏՄ անդամ պետությունների կապի և հեռահաղորդակցության նախարարների առաջին հանդիպումը տեղի է ունեցել մարտի 24-ին Երևանում կայացած խորհրդակցության ժամանակ, որից հետո ձևավորվել էր աշխատանքային խումբ: 

Մոսկվայում քննարկվել է Եվրասիական տնտեսական հանձնաժողովի կողմից առաջարկված փաստաթուղթը, որում ներկայացված են միասնական թվային օրակարգի հիմնական դրույթներն ու ուղղությունները:


Մասնակից երկրները ներկայացրել են իրենց առաջարկություններն ու դիտողությունները: Հայկական կողմը հանդես է եկել փաստաթղթի երկու կետերում լրացումներ կատարելու առաջարկությամբ: 

Աշխատանքային խումբը քննարկման արդյունքում որոշում է կայացրել վերամշակել փաստաթուղթը` նկատի ունենալով բոլոր կողմերի առաջարկությունները: 

Նախատեսվում է մինչև հունիսի ինը այն վերջնական տեսքի բերել, ապա վավերացնել ԵԱՏՄ անդամ պետությունների կառավարության ղեկավարների կողմից:

ՀՀ տրանսպորտի, կապի և տեղեկատվական տեխնոլոգիաների
նախարարության լրատվական ծառայություն




Ընդլայնված որոնում

Պահոց


Ամիս
Տարի
 

Նամականիշներ



Ճանապարհային քարտեզ


Ավելին