«Հատուկ կապ» ՓԲԸ

Համառոտ տեղեկություններ ընկերության մասին

ՀՀ տրանսպորտի և կապի նախարարության «Հատուկ կապ» ՓԲԸ-ն իրավաբանական անձի կարգավիճակով հատուկ նշանակություն ունեցող ընկերություն է, որի գործունեության ուղղություններ են՝

1.Փոստային կապ,
2. Պահպանություն:

Ընկերությունը ծառայություն է մատուցում Հայաստանի տարածքում և նրա սահմաններից դուրս գտնվող ձեռնարկություններին, հիմնարկներին, հասարակական և այլ կազմակերպություններին, քաղաքացիներին և զինվորական մասերին՝ կատարելով թանկարժեք մետաղների, քարերի, դրանցից պատրաստված իրերի, փոխառությունների, վիճակախաղի տոմսերի, արժեթղթերի, գաղտնի և հույժ գաղտնի փաստաթղթերի ընդունում, առաքում և հասցեատերերին հանձնում: «Հատուկ կապ» ՓԲԸ-ն ունի բացառիկ հնարավորություն սպասարկման ոլորտում ընդգրկելու հանրապետության ամբողջ տարածքը, քանի որ հանրապետության բոլոր բնակավայրերում տեղակայված են ծառայության «Հատուկ կապ»-ի կետեր։

Հանդիսանալով նախկին ԽՍՀՄ հատուկ նշանակության պետական ձեռնարկության գործունեության շարունակողը՝ «Հատուկ կապ» ՓԲԸ համագործակցում է ԱՊՀ երկրների նույնատիպ ընկերությունների հետ։ Ընկերությունը սերտորեն համագործակցում է առաքումների ասպարեզում համաշխարհային ճանաչում ունեցող «Brinks» ֆիրմայի հետ։

Հանրապետության ներսում ընկերությունը մատուցում է պետական և ոչ պետական ընկերությունների, բանկերի շուրջօրյա պահպանություն, ինչպես նաև ապրանքների պահեստավորման ծառայություն՝ օգտագործելով «Զվարթնոց» օդանավակայանի հարևանությամբ գտնվող իր տարածքը: Լրացուցիչ ծառայությունների շարքում ընկերությունը մեծ եկամուտներ է ակնկալում նաև բեռների և այլ փոխադրումների զինված ուղեկցման և պահպանության, տարադրամների տեղափոխման ծառայություններից:

Ընկերությունը մասնաճյուղեր ունի Հայաստանի Հանրապետության մարզերում և բաժանմունքներ` Գյումրի և Վանաձոր քաղաքներում

Հասցե՝ Հայաստանի Հանրապետություն, Երևան,  Սարյան22,
Հեռախոս՝ 514-789,
էլ. փոստ`hatuk_kap@mail.ru